Fótbolti

City mætir Real Madrid í umspilinu

Ingvi Þór Sæmundsson skrifar
Mateo Kovacic og Erling Haaland ráðast ekki á garðinn þar sem hann er lægstur í umspili um sæti í sextán liða úrslitum Meistaradeildar Evrópu.
Mateo Kovacic og Erling Haaland ráðast ekki á garðinn þar sem hann er lægstur í umspili um sæti í sextán liða úrslitum Meistaradeildar Evrópu. getty/Tomas Sisk

Manchester City mætir Real Madrid í umspili um sæti í sextán liða úrslitum Meistaradeildar Evrópu. Dregið var í umspilið í dag.

City tryggði sér sæti í umspilinu í lokaumferð riðlakeppninnar og fær afar verðugt verkefni þar gegn Evrópumeisturum Real Madrid.

Celtic, sem stóð sig vel í riðlakeppninni, mætir Bayern München. Silfurlið Meistaradeildarinnar á síðasta tímabili, Borussia Dortmund, dróst gegn Sporting.

Þrjú frönsk lið eru í umspilinu og tvö þeirra mætast innbyrðis; Brest og Paris Saint-Germain. Þá eigast Monaco og Benfica við en sigurvegarinn mætir annað hvort Liverpool eða Barcelona í sextán liða úrslitunum.

Þá mætast Club Brugge og Atalanta, Juventus og PSV Eindhoven og Feyenoord og AC Milan.

Umspil um sæti í sextán liða úrslitum

  • Brest - PSG
  • Club Brugge - Atalanta
  • Man. City - Real Madrid
  • Juventus - PSV
  • Feyenoord - Milan
  • Celtic - Bayern München
  • Sporting - Dortmund
  • Monaco - Benfica

Liðin mætast heima og að heiman. Fyrri leikirnir fara fram 11. og 12. febrúar og þeir seinni 18. og 19. febrúar.

Dregið verður í sextán liða úrslitin 21. febrúar. Fyrri leikirnir fara fram 4. og 5. mars og seinni leikirnir 11. og 12. mars.

Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið