Aron enn einn lykilmaðurinn sem missir af Grikklandsleiknum

Aron er tognaður á kálfa og hefur ekki getað tekið þátt á æfingum liðsins í Grikklandi.

„Aron er tæpur og hefur ekkert æft með okkur. Ég nenni ekki neinum feluleik eða pókerspili í þessum efnum. Aron verður ekki með á morgun. Sextán leikmenn eru heilir og þeir fylla skýrsluna,“ sagði Snorri Steinn Guðjónsson, landsliðsþjálfari í samtalið við handbolta.is.

Það vantar þar með sjö leikmenn sem voru með Íslandi á HM í janúar. Þetta eru rosaleg forföll og það þurfa því aðrir menn að koma sterkir inn í leiknum á morgun.

Viktor Gísli Hallgrímsson, Gísli Þorgeir Kristjánsson, Elvar Örn Jónsson, Viggó Kristjánsson, Bjarki Már Elísson, Teitur Örn Einarsson og Aron eru ekki með. Ómar Ingi Magnússon og Arnar Freyr Arnarsson eru ekki heldur með.