Ráðin til for­ystu­starfa hjá Origo

Í tilkynningu segir að staða Gunnars Inga sé ný á sviði hugbúnaðarlausna félagsins þar sem áhersla sé lögð á heildstætt framboð Microsoft skýjalausna með tilliti til hagnýtingu gagna og samþættingu viðskiptalausna. 

„Gunnar Ingi hóf störf hjá Origo í byrjun árs 2024 sem forstöðumaður rekstrarþjónustu Origo, en fyrir það gegndi hann stöðu vörustjóra hjá Stafrænu Íslandi sem þróar og rekur vefinn Ísland.is. Gunnar Ingi býr yfir mikilli reynslu af vöruþróun og upplýsingatæknirekstri og hefur hann stýrt stórum stafrænum umbreytingaverkefnum á 15 ára ferli sínum í upplýsingatækni.

Ásta starfaði áður sem þjónustustjóri í skýja- og netrekstri hjá Origo. Hún er sterkur leiðtogi með víðtæka reynslu frá sölu- og þjónustustjórnun en hún starfaði hjá Nova yfir 9 ára tímabil. Ásta hefur einnig starfað hjá Landsbankanum og Hreyfingu heilsulind og brennur fyrir upplifun og árangri viðskiptavina.

Um Origo

Origo er þekkingarfyrirtæki sem veitir rekstrarþjónustu, þróar hugbúnað og er samstarfsaðili og ráðgjafi fyrirtækja í sinni stafrænni vegferð. Sérhæfing Origo felst í því að skapa og reka örugga upplýsingatækniinnviði og þróa lausnir sem hagræða og einfalda fólki dagleg störf,“ segir í tilkynningunni.