Telja eldinn hafa komið upp úr kerum með olíu og elds­neyti

Ásgeir Valur, aðstoðarvarðstjóri hjá slökkviliðinu, segir í samtali við fréttastofu að þeim hafi borist tilkynning um málið þegar klukkan var nýslegin níu. 

„Þetta lítur bara ágætlega út hjá þeim. Þeir eru ennþá að dæla froðu á þetta,“ segir Ásgeir.

„Svo virðist sem að þetta hafi verið nokkur ker, sem innihéldu afgangsvökva, olíu og eldsneyti af einhverjum bílum sem eru geymdir þarna,“ segir hann, en uppruni eldsins virðist hafa eitthvað með þau að gera.

Eldurinn er utandyra, og að svo stöddu er talið að ekkert sem hefur ekki þegar orðið fyrir skemmdum sé í hættu.

Slökkviliðið nýtir nú stórar vinnuvélar sem eru á svæðinu til þess að komast betur að eldinum.

„Hann virðist krauma eitthvað þarna, undir niðri.“

Fréttin hefur verið uppfærð reglulega frá birtingu. Síðast klukkan 10:30.