Innlent

Vara við þjófum sem dul­búa sig sem ferða­menn

Lovísa Arnardóttir skrifar
Þjófarnir herja sérstaklega á ferðamenn auk þess sem þeir dulbúa sig sem ferðamenn.
Þjófarnir herja sérstaklega á ferðamenn auk þess sem þeir dulbúa sig sem ferðamenn. Vísir/Vilhelm

Lögreglan á höfuðborgarsvæðinu varar við þjófum sem hafa verið á ferðinni á miðborgarsvæðinu undanfarna daga. Þeir eru sagðir vera erlendir ríkisborgarar og herja á ferðamenn og hafa borist tilkynningar um slík mál við Hallgrímskirkju og nágrenni hennar.

Í tilkynningu lögreglunnar kemur fram að þjófarnir séu gjarnan tveir eða fleiri hverju sinni og steli úr vörum, töskum og bakpokum fólks, bæði á almannafæri og gististöðum. Lögregla segir þá klædda eins og ferðamenn, ef svo megi segja, og séu oft með bakpoka meðferðis.

Lögreglan segir jafnframt að þjófarnir hafi nýverið á þekktum ferðamannastöðum á Suðurlandi þar sem þeir hafi stolið með sama hætti. Fjallað var um málið í Morgunblaðinu í dag þar sem þjóðgjarðsvörður á Þingvöllum sagði hópinn hafa herjað á ferðamenn á Þingvöllum og svo haldið á Gullfoss og Geysi.

Lögreglan segir í tilkynningu að þjófarnir hafi náð að dreifa athygli ferðamannanna með því að bjóðast til þess að taka af þeim myndir og látið greipar sópa á meðan.

Þau sem kunna að búa yfir einhverjum upplýsingum um þessa þjófa, til dæmis um mögulegan dvalarstað þeirra, eru beðin um að koma þeim á framfæri í tölvupósti á netfangið abending@lrh.is. 

Áttu myndir eða myndbönd af þrumuveðrinu? Sendu okkur línu á ritstjorn@visir.is.

Þingvellir Ferðaþjónusta Reykjavík Lögreglumál Hallgrímskirkja

Mest lesið


Fleiri fréttir

Sjá meira


×

Mest lesið