„Við fáum oft konur til okkar sem hafa keypt spegil fyrir dætur sínar, en enda svo sjálfar á að nota hann meira en þær,“ segir Jóhanna Ósk Þorsteinsdóttir en hún rekur verslunina Daría í Firðinum og daria.is, ásamt manni sínum Ómari Jökli Ómarssyni. Daría selur fatnað, snyrtivörur og spegla og þar á meðal margar gerðir förðunarspegla með innbyggðri LED-lýsingu.
„Við erum með stóra spegla með LED-perum sem ýmist er hægt að hengja á vegg eða láta standa á gólfi og svo minni borðspegla í ýmsum gerðum. Við erum einnig með pínulitla spegla sem passa ofan í snyrtiveski. Þá njóta förðunartöskur með innbyggðum speglum með ljósum mikilla vinsælda. Töskurnar eru frábærar í ferðalögin, enda getur lýsingin á hótelherbergjum verið mjög misjöfn.
Góð lýsing auðveldar alla húðumhirðu og förðun,“ segja þau en lýsingin í speglunum er hönnuð til að líkja eftir dagsbirtu, sem tryggir réttu litina í förðun.
Speglarnir eru einnig mjög vinsælir hjá fagfólki eins og förðunarfræðingum og ljósmyndurum en hægt er að stilla lýsinguna í speglunum í hvíta, warm white og cool white birtu. Speglarnir eru einnig gjarnan keyptir inn á hótel og framleiðslufyrirtæki en LED-perurnar er sparneytnar og endingargóðar
„Starfsfólkið okkar hjálpar við val á speglum sem henta ólíkum herbergjum og þörfum. Við leggjum alltaf áherslu á persónulega þjónustu í versluninni,“ segir Jóhanna.
Frábærar fermingar- og útskriftargjafir
Speglarnir og förðunartöskurnar eru vinsæl sem jóla- og afmælisgjafir, útskriftargjafir og fermingargjafir. Þá hafa fermingarmömmurnar líka fundið fermingardressið á sig í Daría en verslunin selur meðal annars fatnað frá merkjunum Kaffe og b.young.
Við erum með nokkur dönsk merki sem hafa verið virkilega vinsæl hjá fermingarmömmunum. Þetta eru merki eins og Kaffe, Cream, Culture, B.Young og Ichi. Eins erum við með vinsælar snyrtivöru frá merkjum eins og L.A. Girl, Moroccanoil húðvörurnar og brúnkuvörur frá Marc Inbane, tannhvíttunarvörur frá Carbon Coco. Augnháravörurnar frá Lashvana hafa einnig verið mjög vinsælar,“ segir Jóhanna.
Daría er fjölskyldufyrirtæki sem var sett á laggirnar Í Keflavík fyrir níu árum en verslunin flutti svo í verslunarmiðstöðina Fjörðinn í Hafnarfirði. „Fjörðurinn er að stækka og verða enn flottari. Það er mikil uppbygging í gangi hér og við munum meðal annars flytja okkur í stærra rými í haust. Það eru spennandi tímar framundan hjá Daría.“
