Hand­tekinn eftir að hafa keyrt niður hliðið að heimili Aniston

Jeff Lee, talsmaður lögreglunnar í Los Angeles, sagði í viðtali við CNN að atvikið hefði átt sér stað skömmu eftir hádegi í gær á Airole Way í Bel Air-hverfi í Los Angeles.

Lögreglunni hafði borist tilkynning um „mann sem var grunaður um innbrot“ á eigninni sem „keyrði bíl sínum gegnum hliðið að heimilinu“. Öryggisvörður Aniston hefði haldið manninum, sem er hvítur karlmaður á áttræðisaldri, þar til lögreglan kom á vettvang og handtók hann.

Lee sagði lögregluna ekki hafa ákvarðað hvort um slys eða markvissan glæp væri að ræða. Maðurinn verður í öllu falli ákærður fyrir skemmdarverk. Samkvæmt TMZ hlúðu sjúkraliðar að manninum sem kvartaði undan bakverk eftir áreksturinn.

Jennifer Aniston keyptu setrið fyrir 21 milljón Bandaríkjadala árið 2011 en húsið var hannað af arkitektinum A. Quincy Jones og var reist árið 1965.