Öskrandi og ber að ofan við grunn­skóla

Í öðru tilfelli barst tilkynning um mann sem gekk berserksgang í verslunarkjarna. Sá braut rúðu og skemmdi vörur og muni í nokkrum verslunum. Við handtöku óskaði maðurinn eftir aðstoð vegna þess að hann ætti við andleg veikindi að stríða og var honum einnig komið í hendur heilbrigðisstarfsmanna.

Einnig barst tilkynning um ógnandi mann á bráðamóttöku Landspítalans í Fossvogi. Lögregluþjónar voru beðnir af starfsmönnum um að vísa honum út, sem þeir og gerðu.

Þetta er meðal þess sem kemur fram í dagbók lögreglunnar.

Þar segir að þrír menn hafi verið í strætisvagnaskýli með muni sem þeir voru taldir hafa stolið úr verslun, miðað við upptökur úr versluninni og það að munirnir voru enn með þjófavarnir á þeim.

Lögregluþjónar stöðvuðu ökumann vespu í Kópavogi í dag. Sá reyndist eingöngu fjórtán ára gamall og því ekki með aldur til að aka vespunni. Þar að auki var hann með farþega og var vespan ekki hönnuð fyrir það, auk þess sem búið var að eiga við hana svo hægt var að aka henni hraðar en ella.

Hald var lagt á vespuna og var samband haft við foreldra drengjanna.

Reiðhjólamaður lenti síðan í slysi í Garðabæ. Sá var fluttur til aðhlynningar á sjúkrabíl eftir að hann kenndi sér eymsla á höfði.