Gísli Þór og Jón Garðar nýir fram­kvæmda­stjórar hjá Terra

Þetta kemur fram í tilkynningu frá Terra. 

„Gísli Þór mun sem framkvæmdastjóri þjónustusviðs leiða akstursþjónustu og viðskiptastýringu félagsins. Gísli kemur til Terra frá Samskipum, þar sem hann hefur starfað síðustu 18 árin, fyrstu 6 árin sem forstöðumaður innflutningsdeildar en síðustu 12 árin sem framkvæmdastjóri innlandssviðs. Gísli er umhverfis- og byggingarfræðingur frá Háskóla Íslands og fór eftir útskrift þaðan til Bandaríkjanna og lauk MBA námi frá University of Louisville í Kentucky.

Jón Garðar hefur verið ráðinn framkvæmdastjóri stefnumótunar og þróunar en um er að ræða nýtt starf innan fyrirtækisins. Jón Garðar mun leiðastefnumótun félagsins og vinna með starfsfólki í nýjum tækifærum og möguleikum til að þróa Terra áfram. Jón Garðar þekkir vel til starfsemi Terra eftir að hafa unnið að stefnumótunarverkefnum fyrir fyrirtækið undanfarin ár. Hann kemur til Terra úr ráðgjafageiranum en hann hefur undanfarin 20 ár starfað sem sjálfstæður fyrirtækjaráðgjafi og var áður eigandi hjá KPMG. Jón Garðar er með MBA frá École des Ponts Buisness School í París,“ segir í tilkynningunni.