Handbolti

Melsungen komst ekki í úr­slita­leikinn

Ingvi Þór Sæmundsson skrifar
Elvar Örn Jónsson er að spila sína síðustu leiki fyrir Melsungen en hann er á förum til Magdeburg.
Elvar Örn Jónsson er að spila sína síðustu leiki fyrir Melsungen en hann er á förum til Magdeburg. getty/Christian Charisius

Elvar Örn Jónsson, Arnar Freyr Arnarsson og félagar í Melsungen töpuðu með minnsta mun fyrir Flensburg, 34-35, í undanúrslitum Evrópudeildarinnar í handbolta í dag.

Úrslit leiksins réðust í framlengingu. Elvar fékk tækifæri til að jafna leikinn en skaut í varnarvegg Flensburg úr aukakasti.

Elvar skoraði sex mörk í leiknum en Arnar Freyr var ekki á meðal markaskorara. Timo Kastening skoraði átta mörk fyrir Melsungen og Dainis Kristopans sjö.

Emil Jakobsen skoraði níu mörk úr tíu skotum fyrir Flensburg og samherji hans í danska landsliðinu, Niclas Kirkeløkke, sex.

Í seinni undanúrslitaleiknum mætast Kiel og Montpellier. Hornamaðurinn Dagur Gautason leikur með franska liðinu.

Evrópudeild karla í handbolta

Mest lesið


Fleiri fréttir

Sjá meira


×

Mest lesið