KR kaupir ungan og efni­legan leik­mann Njarð­víkur

Amin er sonur Almir Cosic sem lék með HK á árum áður. Þar er Amir uppalinn en skipti til Njarðvíkur í upphafi árs 2024. Hann er sóknarsinnaður leikmaður fæddur árið 2005 og á að baki 33 leiki fyrir Njarðvík í öllum keppnum. Þar hefur hann skorað þrjú mörk en þau komu öll mjög nýlega, í fyrstu fjórum umferð Lengjudeildarinnar á núverandi tímabili.

Njarðvík tilkynnti um söluna til KR á Facebook í morgun. Þar segir að „þrátt fyrir að gengið hafi verið frá sölu á Amin þá verður hann áfram leikmaður Njarðvíkur þangað til félagaskiptaglugginn opnar aftur í júlí. Hans síðasti leikur fyrir Njarðvík, amk í bili verður gegn Fylki 18. júlí.“ Þó félagaskiptaglugginn opni degi fyrr, 17. júlí.

„Amin er kantmaður sem er fæddur árið 2005 á að baki 32 leiki fyrir Njarðvík og hefur skorað í þeim þrjú mörk. Hann hefur verið mjög vaxandi í spilamennsku sinni fá því hann gekk til liðs við Njarðvík frá HK í upphafi árs 2024…

Knattspyrnudeild Njarðvíkur vill þakka KR fyrir góð og fagleg samskipti kringum félagsskiptin. Njarðvík óskar einnig Amin og hans fjölskyldu alls hins besta hjá nýju félagi. Um leið erum við spenntir að njóta krafta Amins næstu vikurnar.

Mikill uppgangur hefur verið hjá knattspyrnudeild Njarðvíkur síðustu misseri og er það fagnaðarefni að stærstu lið landsins horfi til leikmanna okkar” segir einnig í tilkynningu knattspyrnudeildar Njarðvíkur.