Handbolti

Viggó kom Erlangen úr fallsæti

Sindri Sverrisson skrifar
Viggó Kristjánsson var í aðalhlutverki í miklum fallslag í Þýskalandi í dag.
Viggó Kristjánsson var í aðalhlutverki í miklum fallslag í Þýskalandi í dag. EPA-EFE/ANTONIO BAT

Landsliðsskyttan Viggó Kristjánsson var allt í öllu í óhemju mikilvægum útisigri Erlangen gegn Bietigheim í fallbaráttu þýsku 1. deildarinnar í handbolta í dag, 29-23.

Viggó var bæði marka- og stoðsendingahæstur hjá Erlangen í leiknum en hann skoraði sjö mörk og gaf fimm stoðsendingar.

Sigurinn kemur Erlangen upp fyrir Bietigheim og úr fallsæti nú þegar líður að lokum leiktíðarinnar í Þýskalandi.

Erlangen er með 16 stig í 16. sæti, sem er neðsta örugga sætið í deildinni. Bietigheim er með 15 stig en á tvo leiki eftir á meðan að Erlangen á aðeins einn leik eftir. Potsdam er neðst og löngu fallið.

Bietigheim mætir gamla liðinu hans Viggós, Leipzig, á miðvikudaginn og á svo afar erfiðan leik við Magdeburg í lokaumferðinni næsta sunnudag. Erlangen mætir þá Wetzlar á útivelli.

Þýski handboltinn

Tengdar fréttir

Ís­lendingalið Melsun­gen heldur í við topp­liðin

Spennan um þýska meistaratitil karla í handbolta er hreint út sagt óbærileg þegar aðeins tvær umferðir eru eftir. Aðeins eitt stig skilur topplið Füchse Berlín að Magdeburg. Þar á eftir kemur Melsungen, aðeins tveimur stigum á eftir toppliðinu.

Gísli Þor­geir meiddist enn á ný á öxl

Gísli Þorgeir Kristjánsson, landsliðsmaður í handbolta og leikmaður Magdeburg í Þýskalandi, fór meiddur af velli þegar Magdeburg lagði Lemgo í efstu deild þýska handboltans. Um er að ræða meiðsli á vinstri öxl. Er það ekki í fyrsta sinn sem Gísli Þorgeir meiðist á öxl.

Mest lesið


Fleiri fréttir

Sjá meira


×

Mest lesið