Fótbolti

Leik­maður Barcelona fékk ný­fætt barn í fangið frá stuðnings­manni

Óskar Ófeigur Jónsson skrifar
Barcelona stjarnan Fermín López fór til stuðningsmanna og fékk þar nýfætt barn í fangið.
Barcelona stjarnan Fermín López fór til stuðningsmanna og fékk þar nýfætt barn í fangið. @sportbible

Spænska landsliðið í fótbolta er að undirbúa sig fyrir undanúrslitaleik í Þjóðadeildinni í vikunni og liðið var með opna æfingu í dag. Einn leikmaður liðsins fékk þar óvenjulega beiðni frá aðdáenda.

Barcelona stjarnan Fermín López fór til stuðningsmanna til að gefa eiginhandaráritanir en þurfti að gera aðeins meira en það.

Einn af stuðningsmönnum var þarna mættur á svæðið með nýfætt barn sitt. Hann rétti López barnið og tók mynd af þeim saman.

López tók þessu vel og á samfélagsmiðlum voru menn fljótir að rifja upp heimsfræga myndatöku af Lionel Messi og þá nokkra mánaða gömlum Lamine Yamal.

Margir eru á því að þar hafi Messi fært eitthvað af töfrum sínum yfir á Yamal.

Yamal er aðeins sautján ára gamall en þegar orðin ein stærsta og öflugasta knattspyrnustjarna heims.

Fermín López er aðeins 22 ára gamall en var í flottu hlutverki hjá Barcelona. Hann var með átta mörk og tíu stoðsendingar á tímabilinu.

López hefur aftur á móti ekki fengið mörg tækifæri með spænska landsliðinu þótt að hann hafi verið í hópnum undanfarið ár.




Fleiri fréttir

Sjá meira


×