Fótbolti

Hinn eftir­sótti Gyökeres dregur sig út úr sænska lands­liðinu

Óskar Ófeigur Jónsson skrifar
Viktor Gyokeres vann tvöfalt með Sporting CP á nýloknu tímabili en er nú kominn í sumarfrí eftir að hann yfirgaf sænska landsliðshópinn.
Viktor Gyokeres vann tvöfalt með Sporting CP á nýloknu tímabili en er nú kominn í sumarfrí eftir að hann yfirgaf sænska landsliðshópinn. Getty/Valter Gouveia

Viktor Gyökeres verður ekki með sænska landsliðinu í júníleikjunum en hann hefur dregið sig út úr sænska landsliðshópnum.

Svíar spila tvo vináttulandsleiki í þessum glugga eins og íslenska landsliðið. Sænska liðið spilar leiki við Ungverjaland og Alsír.

Gyökeres verður ekki með í þessum leikjum vegna meiðsla en sænska knattspyrnusambandið segir að þau séu smávægileg.

Gyökeres yfirgaf hópinn eftir að læknalið sænska landsliðsins hafði skoðað hann.

Hann hefur farið á kostum með portúgalska liðinu Sporting og skoraði 48 mörk í öllum keppnum á þessu tímabili. Sporting varð líka tvöfaldur meistari ekki síst fyrir hans framgöngu.

Mörg stórlið hafa áhuga á Gyökeres og hann hefur verið orðaður við lið eins og Arsenal. Allt bendir til þess að Sporting selji hann í sumar.

Gyökeres mun því fá smá hvíld til að ná sér góðum og undirbúa sig fyrir væntanleg félagsskipti á næstu vikum eða mánuðum.




Fleiri fréttir

Sjá meira


×