Vil­borg Arna og Auð­björg til liðs við FranklinCovey

Þetta kemur fram í tilkynningu frá FranklinCovey á Íslandi. Franklin Covey er alþjóðlegt fyrirtæki sem var stofnað 1997, er skráð í kauphöllina í New York og sinnir þjálfun, ráðgjöf og rannsóknum á árangri einstaklinga, liðsheilda og vinnustaða. FranklinCovey á Íslandi hefur þjónað árangri á fjórða hundrað íslenskra vinnustaða með vönduðum lausnum og þjálfun.

Í tilkynningunni kemur fram að Auðbjörg Ólafsdóttir taki við hlutverki ráðgjafa og leiðtoga vaxtar (e. Senior Growth Partner) og að Vilborg Arna Gissurardóttir taki við sem ráðgjafi og leiðtogi í árangri viðskiptavina (e. Implementation strategist).

Sendinefnd ESB, Íslandsbanki, Marel og Controlant

Auðbjörg starfaði sem yfirmaður fyrirtækjamenningar og samskipta hjá Controlant frá 2021 til 2024 og starfaði þar á undan um átta ára skeið sem samskiptastjóri Marel þar sem hún leiddi fjárfestatengsl ásamt innri og ytri samskiptum félagsins á alþjóðavísu.

Auðbjörg hefur einnig starfað sem hagfræðingur hjá Íslandsbanka, fyrir Sendinefnd Evrópusambandsins í Osló og í Reykjavík og sem blaðamaður og fréttastjóri hjá alþjóðlegu fréttaveitunni Reuters og hjá Viðskiptablaðinu.

Auðbjörg er með BA-gráðu í stjórnmálafræði frá Háskóla Íslands og meistaragráðu í hagfræði frá Curtin University í Ástralíu, auk þess að vera markþjálfi og með kennsluréttindi. Samhliða störfum sínum hjá FranklinCovey starfar Auðbjörg sem ráðgjafi í samskiptum og almannatengslum og sem stjórnendamarkþjálfi og uppistandari.

Ævintýrakona, markþjálfi og markþjálfi

Vilborg hefur undanfarin ár verið sjálfstætt starfandi ráðgjafi, rekið ferðaskrifstofu auk þess að eiga að baki feril sem fjalla- og ævintýrakona. Hún er með MCM-gráðu frá Háskólanum á Bifröst í Neyðar- og áfallastjórnun, MBA-gráðu frá Háskóla Íslands og BA-gráðu í ferðamálafræði frá sama skóla.

Vilborg er auk þess markþjálfi og hefur lokið kúrsum við erlenda háskóla á sviði sjálfbærni. Samhliða störfum sínum hjá FranklinCovey starfar Vilborg sem ráðgjafi á sviði áhættugreiningar og seiglu fyrir sveitarfélög og fyrirtæki.