Liver­pool byrjar undir­búningstíma­bilið á móti Stefáni Teiti

Englandsmeistarar Liverpool ætla nefnilega að hefja nýtt tímabil með því að mæta Preston í æfingarleik.

Liverpool tilkynnti í dag að fyrsti leikur undirbúningstímabilsins verði á móti Preston North End 13. júlí næstkomandi.

Leikurinn fer fram á Deepdale Stadium sem er heimavöllur Preston og tekur yfir 23 þúsund manns.

Liverpool varð Englandsmeistari í tuttugasta sinn á dögunum og hefur einnig látið til sín taka á félagsskiptamarkaðnum í upphafi sumars.

Stuðningsmenn Liverpool munu því örugglega vera með augum á þessum leik enda spenntir að sjá nýja leikmenn liðsins klæðast Liverpool búningnum í fyrsta sinn.

Preston endaði í 20. sæti í ensku b-deildinni í vetur. Stefán Teitur var með þrjú mörk og tvær stoðsendingar í 39 deildarleikjum.