Óðinn með næstflottasta markið í Evrópudeildinni

Óðinn gerir það betur en flestir að skjóta boltanum aftur fyrir bak þegar hann fer inn úr hægra horninu.

Það eru einmitt slík tilþrif sem skiluðu honum öðru sætinu á lista evrópska handboltasambandsins yfir flottustu mörkin í Evrópudeildinni á tímabilinu.

Óðinn spilar með svissneska félaginu Kadetten Schaffhausen og skoraði umrætt mark á móti franska félaginu Limoges. Þetta var eitt af átta mörkum hans í leiknum.

Óðinn skoraði alls 35 mörk í sex leikjum í Evrópudeildinni eða 5,8 mörk að meðaltali í leik.

Aðeins einn leikmaður skoraði flottari mark en Óðinn en það var Króatinn Vlado Matanović sem spilar með Gorenje Velenje.

Það má sjá flottustu mörkin hér fyrir neðan.