Innlent

Benz brann í Breið­holti

Jón Ísak Ragnarsson skrifar
Eldur kviknaði í húddi bílsins.
Eldur kviknaði í húddi bílsins. Vísir

Eldur kviknaði í húddi bíls á bílastæðinu við Mjódd á tíunda tímanum í kvöld. Slökkvilið var kallað á vettvang og búið er að ráða niðurlögum eldsins.

Þetta staðfestir Stefán Kristinsson, varðstjóri hjá slökkviliði höfuðborgarsvæðisins í samtali við fréttastofu.

Hann segir að ekki hafi verið um alvarlegan bruna að ræða.

„Þetta er gamall Benz sem brann. Þeir eru pottþétt búnir að leysa málið.“

Miklar skemmdir séu á bílnum.

„Já ég geri ráð fyrir því að hann sé skemmdur, ef ekki handónýtur,“ segir hann.

Ekkert sé vitað um orsök eldsins, eða hvort um íkveikju hafi verið að ræða.

Slökkvilið Reykjavík Mjódd

Mest lesið


Fleiri fréttir

Sjá meira


×

Mest lesið