Hiti að sex­tán stigum

Á vef Veðurstofunnar segir að hiti verði á bilinu sex til sextán stig, hlýjast á Austurlandi en svalast á annesjum fyrir norðan og austan.

Á þjóðhátíðardaginn, 17. júní á morgun, má gera ráð fyrir vestan þremur til tíu metrum á sekúndu, en hægari vindi norðan heiða. Víða súld eða dálítil rigning öðru hverju, hiti 7 til 13 stig.

Á miðvikudag er útlit fyrir áframhaldandi vestlæga átt með skúraveðri á landinu og svipuðu hitastigi.

Veðurhorfur á landinu næstu daga

Á þriðjudag (lýðveldisdagurinn): Vestlæg eða breytileg átt, 3-10 m/s. Víða dálítil rigning eða súld með köflum, en sums staðar skúrir á Norður- og Austurlandi síðdegis. Hiti 7 til 13 stig.

Á miðvikudag: Vestan 8-13 syðst, annars hægari vindur. Víða skúrir, hiti breytist lítið.

Á fimmtudag: Suðlæg eða breytileg átt, skýjað með köflum og sums staðar smáskúrir. Hiti 10 til 15 stig.

Á föstudag: Suðvestlæg eða breytileg átt og rigning, en léttir til um landið austanvert seinnipartinn. Hiti 7 til 17 stig, hlýjast norðaustanlands.

Á laugardag (sumarsólstöður): Vestanátt og dálítil væta, en þurrt á Suðaustur- og Austurlandi. Hiti 7 til 15 stig, hlýjast suðaustantil.

Á sunnudag: Útlit fyrir sunnanátt með rigningu.