Ragga Gísla og Hips­um­haps á Innipúkanum sem færir sig um set

Meðal annara listamanna sem sem koma fram á hátíðinni í ár eru Ásdís, Birnir, Bríet, Floni, Mugison og Sigga Beinteins sem snýr aftur á Innipúkann eftir átta ára fjarveru með hljómsveitinni Babies.

Í tilkynningu segir að aðaldagskrá fari fram innandyra eins og hefð er fyrir. Í ár fari hátíðin fram á tveimur sviðum í Austurbæjarbíó; aðalsviðinu á jarðhæð og á Silfurtungli á efri hæðinni.

„Eftir góða og fallega dvöl við Ingólfsstræti síðustu þrjú ár hefur Innipúkinn ákveðið að færa sig um set. Það hefur verið í eðli Púkans að hanga ekki alltaf á sama staðnum í gegnum árin og nú er kominn tími á breytingu. Eftir að hafa verið á stöðum á borð við Iðnó, Nasa, Faktóry, Gauknum, Húrra, Bryggjunni Brugghús og Gamla bíó ætlar Innipúkinn nú að koma sér vel fyrir í hinu sögufræga Austurbæjarbíói. Því verður um að ræða stærsta og flottasta Innipúkann í sögu hátíðarinnar í ár,“ segir Steinþór Helgi Steinþórsson, einn skipuleggjenda, í tilkynningu.

Hann segir að um verði að ræða stærsta og flottasta Innipúkann í sögu hátíðarinnar

Meðal annara listamanna sem koma fram á hátíðinni í ár eru BSÍ, Iðunn Einars, Ragga Gísla & Hipsumhap, Ronja, SiGRÚN, Spacestation og Une Misére

Tilkynnt verður um fleiri listamenn, hljómsveitir og plötusnúða á næstu dögum og vikum.

Miðasala á hátíðina hefst á hádegi á miðvikudaginn í næstu viku, 25. júní. Eins og áður veðrur hægt að kaupa þriggja daga passa og kvöldpassa á öll kvöld.

„Síðustu ár hefur verið uppselt á Innipúkann - og því um að gera tryggja sér miða í tíma,“ segir Steinþór að lokum.

Miðasala á hátíðina frer fram á stubb.is/innpukinn og Stubbur appinu. Armband á hátíðina gildir alla helgina. Einnig er hægt að kaupa miða á stök kvöld hátíðarinnar. Síðustu ár hefur verið uppselt á Innipúkann - og því um að gera tryggja sér miða í tíma.