Hiti gæti náð sau­tján stigum suðaustan­til

Í hugleiðingum veðurfræðings á vef Veðurstofunnar segir að í kvöld gangi svo í suðaustan kalda vestast á landinu með dálítilli rigningu.

„Á morgun er gert ráð fyrir austlægri átt, víða 5-10 m/s en allhvasst syðst á landinu. Framan af degi bjart með köflum og úrkomulítið, en fer að rigna af og til á suðurhelmingi landsins síðdegis. Fyrir norðan þykknar upp með smá vætu þar um kvöldið. 

Hiti svipaður, en hlýjast á morgun verður um landið norðan- og vestanvert,“ segir á vef Veðurstofunnar.

Veðurhorfur á landinu næstu daga

Á laugardag (sumarsólstöður): Austlæg átt 5-13 m/s, en 13-18 syðst. Víða bjartviðri framan af degi, en rigning með köflum sunnantil síðdegis og þykknar upp fyrir norðan. Hiti 10 til 18 stig, hlýjast um landið norðan- og vestanvert.

Á sunnudag: Norðaustan 5-13, hvassast við norðurströndina, en hægari sunnantil. Dálítil rigning eða súld, en úrkomulítið suðvestanlands. Hiti frá 7 stigum við norðausturströndina, upp í 17 stig á Suðvesturlandi.

Á mánudag: Norðaustan 5-13 á norðanverðu landinu með rigningu eða súld, en hægari vindur sunnan heiða með dálitlum skúrum. Hiti 7 til 16 stig, hlýjast sunnanlands.

Á þriðjudag og miðvikudag: Austlæg eða breytileg átt. Skýjað að mestu og væta af og til í flestum landshlutum. Hiti 7 til 15 stig, svalast við austurströndina.

Á fimmtudag: Útlit fyrir austan- og norðaustanátt með rigningu. Hiti breytist lítið.