Krefjast bóta verði ekki fallið frá áformum um skólaþorp Silja Rún Sigurbjörnsdóttir skrifar 11. júlí 2025 07:54 Björn Leifsson er eigandi heilsuræktarstöðvarinnar World Class. Vísir/Egill Aðalsteinsson Eigendur líkamsræktarstöðvarinnar World Class mótmæla breytingum á aðalskipulagi sem þau segja brjóti gegn óbeinum eignarétti þeirra á bílastæðum í Laugardalnum. World Class hefur fengið afnot af bílastæðum gjaldfrjálst í rúm tuttugu ár en þar á að rísa skólaþorp. Forsvarsmenn stöðvarinnar krefjast bóta verði ekki fallið frá áformunum. Málið varðar breytingu á aðalskipulagi Reykjavíkurborgar í Laugardalnum til að koma þar fyrir tímabundnu skólaþorpi. Þorpið verður staðsett þar sem nú eru bílastæði rétt við Laugardalsvöllinn en áætlað er að þar verði alls sextán kennslustofur auk níu hundruð fermetra einingahúss. Byggingarnar eru hugsaðar sem tímabundin lausn á meðan ráðist er í framkvæmdir á Laugarnesskóla, Laugalækjarskóla og Langholtsskóla. Ekki liggur fyrir nákvæmlega hversu lengi þorpið verður í notkun en talið er að það verði allaveganna notað í fimm til fimmtán ár. Björn Leifsson og Hafdís Jónsdóttir, eigendur líkamsræktarinnar World Class, eru meðal nokkurra sem gagnrýna áformin. Þau hafa ráðið lögmann lögmannsstofunnar Markar sem mótmælir fyrirætlununum í athugasemd á Skipulagsgáttinni. Í athugasemdinni segir að World Class eigi samningsbundinn rétt til umræddra bílastæða en rísi skólaþorpið muni það hafa neikvæð áhrif á rekstur líkamsræktarstöðvarinnar. Séu með óbeinann eignarétt til gjaldfrjálsra bílastæða Í athugasemdinni segir að árið 1999 hafi borgin undirritað viljayfirlýsingu um bílastæðin þar sem því var heitið að þau yrðu framvegis nýtt fyrir gesti innisundlaugar og World Class. Tveir bindandi samningar voru undirritaðir árið 2002 af Ingibjörgu Sólrúnu Gísladóttur, þáverandi borgarstjóra Reykjavíkur, þar sem World Class var „veitt ótímabundin og endurgjaldslaus afnot“ af bílastæðunum. Af þeim ástæðum sé World Class með óbeinan eignarétt til stæðanna og muni breyting á aðalskipulaginu valda verulegri skerðingu á eignaréttindum líkamsræktarinnar. Krafist er þess að Reykjavíkurborg fylgi eignaréttinum og falli frá áformunum. Sé ekki hætt við uppbygginguna eigi að hefja viðræður við forsvarsmenn World Class um fullar bætur. „Þá er fyrirsjáanlegt að breytingin muni valda umbjóðanda okkar fjártjóni. Gestum mun fækka með fækkun bifreiðastæða og tekjur dragast saman,“ segir í athugasemdinni. Lokun innkeyrslu geti verið hættulegt Forsvarsmenn World Class leggjast einnig gegn því að sunnanverðri innkeyrslu á bílastæðið verði lokað. Nú eru tvær innkeyrslur, ein að sunnanverðu og hin norðanverðu, en með því að loka annarri muni það hefta aðgengi bæði þeirra sem sækja líkamsræktarstöðina en einnig þeirra sem sækja viðburði á Laugardalsvelli. „Ef margir yfirgefa svæðið á sama tíma getur skapast örtröð ef einungis er hægt að keyra út af því á einum stað. Slíkt rýrir í senn upplifun gesta af því að sækja viðburði og getur beinlínis verið hættulegt, t.d. ef sjúkrabílar eða viðbragðsaðilar þurfa að komast til og frá svæðinu.“ Skiptar skoðanir hagsmunaaðila Fleiri félög hafa gagnrýnt áformin, til að mynda verkfræðistofan Örugg sem gerir athugasemdir við öryggismál og telja það mikilvægt að tvær útgönguleiðir séu á bílastæðinu þegar stórir viðburðir eru haldnir á Laugardalsvelli. Forsvarsmenn KSÍ setja einnig út á áætlanirnar á þeim forsendum að þau skerði aðgengi og að hafi áhrif á öryggi fólks á svæðinu. Þá muni íbúar í nærliggjandi hverfum verða fyrir áhrifum fækkun bílastæða þar sem gestir vallarins komi til með að leggja fyrir utan íbúðarhúsnæði þeirra. Einnig er tekið fram að ef byggja eigi þjóðarleikvang á svæðinu verði mikil umferð vinnuvéla og þungaflutningabíla. „Er skýlaust farið fram á af hálfu KSÍ að Reykjavíkurborg láti af fyrirhugaðri uppbyggingu skólaþorps í Laugardal,“ segir í athugasemdinni undirrituð af Eysteini Pétri Lárussyni, framkvæmdastjóra KSÍ, og Þorvaldi Örlygssyni, formanni KSÍ. Á móti kemur hafa bæði foreldrafélag Laugalækjarskóla og Laugarnesskóla sent inn athugasemd þar sem þau fagna skólaþorpinu. „Foreldrafélag Laugarnesskóla fagnar framkominni tillögu þar sem illa nýtt bílastæði á góðum stað í hverfinu verður breytt í aðstöðu fyrir skólaþorp sem á að geta leyst brýnustu húsnæðisþörf skólanna á meðan nauðsynlegar endurbætur verða unnar á húsnæði þeirra,“ segir í annarri athugasemdinni. Deilur um skólahald í Laugardal Grunnskólar Líkamsræktarstöðvar Skóla- og menntamál Bílastæði Reykjavík Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Lést við tökur á Emily in Paris Erlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Sjá meira
Málið varðar breytingu á aðalskipulagi Reykjavíkurborgar í Laugardalnum til að koma þar fyrir tímabundnu skólaþorpi. Þorpið verður staðsett þar sem nú eru bílastæði rétt við Laugardalsvöllinn en áætlað er að þar verði alls sextán kennslustofur auk níu hundruð fermetra einingahúss. Byggingarnar eru hugsaðar sem tímabundin lausn á meðan ráðist er í framkvæmdir á Laugarnesskóla, Laugalækjarskóla og Langholtsskóla. Ekki liggur fyrir nákvæmlega hversu lengi þorpið verður í notkun en talið er að það verði allaveganna notað í fimm til fimmtán ár. Björn Leifsson og Hafdís Jónsdóttir, eigendur líkamsræktarinnar World Class, eru meðal nokkurra sem gagnrýna áformin. Þau hafa ráðið lögmann lögmannsstofunnar Markar sem mótmælir fyrirætlununum í athugasemd á Skipulagsgáttinni. Í athugasemdinni segir að World Class eigi samningsbundinn rétt til umræddra bílastæða en rísi skólaþorpið muni það hafa neikvæð áhrif á rekstur líkamsræktarstöðvarinnar. Séu með óbeinann eignarétt til gjaldfrjálsra bílastæða Í athugasemdinni segir að árið 1999 hafi borgin undirritað viljayfirlýsingu um bílastæðin þar sem því var heitið að þau yrðu framvegis nýtt fyrir gesti innisundlaugar og World Class. Tveir bindandi samningar voru undirritaðir árið 2002 af Ingibjörgu Sólrúnu Gísladóttur, þáverandi borgarstjóra Reykjavíkur, þar sem World Class var „veitt ótímabundin og endurgjaldslaus afnot“ af bílastæðunum. Af þeim ástæðum sé World Class með óbeinan eignarétt til stæðanna og muni breyting á aðalskipulaginu valda verulegri skerðingu á eignaréttindum líkamsræktarinnar. Krafist er þess að Reykjavíkurborg fylgi eignaréttinum og falli frá áformunum. Sé ekki hætt við uppbygginguna eigi að hefja viðræður við forsvarsmenn World Class um fullar bætur. „Þá er fyrirsjáanlegt að breytingin muni valda umbjóðanda okkar fjártjóni. Gestum mun fækka með fækkun bifreiðastæða og tekjur dragast saman,“ segir í athugasemdinni. Lokun innkeyrslu geti verið hættulegt Forsvarsmenn World Class leggjast einnig gegn því að sunnanverðri innkeyrslu á bílastæðið verði lokað. Nú eru tvær innkeyrslur, ein að sunnanverðu og hin norðanverðu, en með því að loka annarri muni það hefta aðgengi bæði þeirra sem sækja líkamsræktarstöðina en einnig þeirra sem sækja viðburði á Laugardalsvelli. „Ef margir yfirgefa svæðið á sama tíma getur skapast örtröð ef einungis er hægt að keyra út af því á einum stað. Slíkt rýrir í senn upplifun gesta af því að sækja viðburði og getur beinlínis verið hættulegt, t.d. ef sjúkrabílar eða viðbragðsaðilar þurfa að komast til og frá svæðinu.“ Skiptar skoðanir hagsmunaaðila Fleiri félög hafa gagnrýnt áformin, til að mynda verkfræðistofan Örugg sem gerir athugasemdir við öryggismál og telja það mikilvægt að tvær útgönguleiðir séu á bílastæðinu þegar stórir viðburðir eru haldnir á Laugardalsvelli. Forsvarsmenn KSÍ setja einnig út á áætlanirnar á þeim forsendum að þau skerði aðgengi og að hafi áhrif á öryggi fólks á svæðinu. Þá muni íbúar í nærliggjandi hverfum verða fyrir áhrifum fækkun bílastæða þar sem gestir vallarins komi til með að leggja fyrir utan íbúðarhúsnæði þeirra. Einnig er tekið fram að ef byggja eigi þjóðarleikvang á svæðinu verði mikil umferð vinnuvéla og þungaflutningabíla. „Er skýlaust farið fram á af hálfu KSÍ að Reykjavíkurborg láti af fyrirhugaðri uppbyggingu skólaþorps í Laugardal,“ segir í athugasemdinni undirrituð af Eysteini Pétri Lárussyni, framkvæmdastjóra KSÍ, og Þorvaldi Örlygssyni, formanni KSÍ. Á móti kemur hafa bæði foreldrafélag Laugalækjarskóla og Laugarnesskóla sent inn athugasemd þar sem þau fagna skólaþorpinu. „Foreldrafélag Laugarnesskóla fagnar framkominni tillögu þar sem illa nýtt bílastæði á góðum stað í hverfinu verður breytt í aðstöðu fyrir skólaþorp sem á að geta leyst brýnustu húsnæðisþörf skólanna á meðan nauðsynlegar endurbætur verða unnar á húsnæði þeirra,“ segir í annarri athugasemdinni.
Deilur um skólahald í Laugardal Grunnskólar Líkamsræktarstöðvar Skóla- og menntamál Bílastæði Reykjavík Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Lést við tökur á Emily in Paris Erlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Grjóthart nei hjá dúxinum í Yale Sjá meira