Tólf ára sund­kona hárs­breidd frá verð­launum á HM

Hin tólf ára gamla Yu Zidi hefði orðið yngsti verðlaunahafinn í 89 ára sögu heimsmeistaramótsins og það munaði ekki miklu.

Yu Zidi var aðeins sex hundruðum úr sekúndu frá verðlaunapallinum í 200 metra fjórsundi. Zidi kom í markið á 2:09.21 mín. og endaði í fjórða sætinu.

Það fylgir þó sögunni að þetta er ekki hennar sterkasta grein. Hún fær því frekari tækifæri til að vinna til verðlauna á heimsmeistaramótinu sem fer fram þessa dagana í Singapúr.

Yu Zidi heldur upp á þrettán ára afmælið sitt í október. Í dag er hún að synda hraðar en hin átján ára gamla Summer McIntosh gerði á sama aldri.

Summer McIntosh er stórstjarna þessa heimsmeistaramót og þegar farin að safna að sér verðlaunum.