Innlent

Dóttirin í Súlunesi á­kærð

Kolbeinn Tumi Daðason skrifar
Reikna má með því að þingfesting í málinu verði í haust.
Reikna má með því að þingfesting í málinu verði í haust. vísir/vilhelm

Héraðssaksóknari hefur gefið út ákæru á hendur Margréti Höllu Hansdóttur Löf, 28 ára konu, sem sökuð er um aðild að andláti föður síns á heimili þeirra í Súlunesi í Garðabæ í apríl síðastliðnum.

Mbl.is greindi fyrst frá og Vísir hefur fengið staðfest að ákæra hafi verið gefin út. Margrét Halla hefur sætt gæsluvarðhaldi frá 13. apríl og stendur til að framlengja það.

Athygli vakti um mánaðamótin síðustu þegar gæsluvarðhald yfir Margréti Höllu var framlengt um fram tólf vikna hámark án útgefinnar ákæru. Ástæðan var að beðið var lykilrannsóknargagns, krufningarskýrslu.

Margrét Halla hefur verið sökuð um áralangt ofbeldi í garð foreldra sinna. Sama kvöld og faðir hennar lést var móðir hennar lögð inn á sjúkrahús vegna áverka.

Fréttastofa hefur ekki upplýsingar um efni ákærunnar, þ.e. hvort Margrét Halla sé ákærð fyrir manndráp eða ofbeldi sem leiddi til andláts. Karl Ingi Vilbergsson saksóknari hjá héraðssaksóknara segist ekki geta upplýst um efni ákærunnar fyrr en búið er að birta hana ákærðu sem verði að líkindum í dag.

Rannsókn á andláti í Garðabæ Lögreglumál Garðabær

Tengdar fréttir

Neitar að hafa orðið föður sínum að bana

Tæplega þrítug kona sem sætir gæsluvarðhaldi vegna gruns um aðild að andláti áttræðs föður síns á heimili þeirra í Garðabæ neitar sök að hafa orðið honum að bana. Þetta herma heimildir fréttastofu.

Nafn mannsins sem lést í Garðabæ

Maðurinn sem lést í Garðabæ á mánudaginn hét Hans Roland Löf og var fæddur árið 1945. Gæsluvarðhald yfir dóttur mannsins var í dag framlengt um þrjár vikur.

Mest lesið


Fleiri fréttir

Sjá meira


×

Mest lesið