Kokkarnir á Strikinu með stjörnur í augunum þegar Bon Jovi mætti

Bon Jovi, sem á meðal annars smellinn Livin' on a Prayer, snæddi ásamt sjö öðrum á veitingahúsinu og fór í raun lítið fyrir honum að Sögu Margrétar Blöndal, þjóns á Strikinu. mbl.is greindi fyrst frá.

Bandaríski rokkarinn hafði pantað borðið undir öðru nafni en starfsmönnum seinna borist ábending skömmu áður en hann mætti að þar væri Bon Jovi á ferð. Hópurinn hafi fengið sérherbergi og lítið hafi farið fyrir Bon Jovi, sem hafi verið kurteis. 

Saga segir að þjónarnir hafi flestir haldið ró sinni, kúnnarnir einnig, en sumir kokkarnir hafi verið með stjörnuglýju í augunum. „Þeir voru smá órólegir,“ segir Saga og hlær við. 

Hún veit ekki betur en að hinum 63 ára rokkara hafi litist vel á matinn, en reyndar hafi hann ekki borðað mikið á staðnum enda hafi föruneytið stoppað og fengið sér pylsu áður en þau mættu.