McGregor tapaði á­frýjun og þarf að borga konunni sem hann nauðgaði

McGregor var dæmdur skaðabótaskyldur eftir að hafa nauðgað konu á hóteli í Dyflinn, höfuðborg Írlands, árið 2018.

Konan gat ekki kært hann fyrir kynferðisbrot þar sem það var fyrnt, en höfðaði skaðabótamál gegn McGregor fyrir að brjóta á sér kynferðislega.

McGregor var fundinn sekur um að hafa nauðgað henni og dæmdur til að greiða konunni, Nikitu Hands, um 36 milljónir íslenskra króna í skaðabætur.

McGregor áfrýjaði dómnum á þeim grundvelli að svör hans í yfirheyrslu lögreglu hefðu ekki átt að vera lögð fram sem sönnunargögn í dómsalnum.

Þá færði málflytjandi McGregor einnig rök fyrir því að minnisblaðið sem kviðdómurinn fékk afhent hefði átt að vera orðað öðruvísi.

Áfrýjuninni var með öllu hafnað af þremur dómurum í Dyflinn fyrr í dag. Dómurinn mun því standa og McGregor þarf að greiða skaðabæturnar.