Enski boltinn

Enska augna­blikið: Forsjáli fé­laginn sem missti af öllu

Valur Páll Eiríksson skrifar
Kristinn naut sín vel á Liverpool-slagnum á Anfield árið 2006 og sá öll mörkin annað en félagi hans sem missti af þeim öllum.
Kristinn naut sín vel á Liverpool-slagnum á Anfield árið 2006 og sá öll mörkin annað en félagi hans sem missti af þeim öllum. Samsett/Vísir/Getty

Þrír dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Kristinn Kjærnested fór í frægðarför til Liverpool-borgar árið 2006 og sá grannaslag Liverpool og Everton á Anfield.

Borgarslagurinn í mars 2006 var um margt merkilegur og hafði nýverið tilkynnt að Liverpool yrði menningarborg Evrópu árið 2008. Að því tilefni báru átturnar í liðunum tveimur, Steven Gerrard og James Beattie, 08 aftan á treyju sinni í stað hinnar hefðbundnu áttu. Kristinn var í góðum félagsskap á leiknum. Hann segir frá:

„Ég var á vellinum þegar Liverpool og Everton mættust á Anfield í mars 2006. Steven Gerrard bar 08 þar sem Liverpool-borg var að minna á sig sem menningarborg 2008. Kappinn var hinsvegar yfirpeppaður og fékk gult á 17. mínútu fyrir að sparka bolta í burtu og mínútu síðar hlóð hann í tveggja fóta tæklingu og var sendur í bað,“ segir Kristinn og fór um margan í Liverpool-hluta stúkunnar. Liðið verandi án fyrirliða síns það sem eftir lifði leiks.

Klippa: Enska augnablikið: Sigurmark Kewells

Ill tímasettar barferðir ferðafélaga Kristins standa aftur á móti upp úr.

„Það sem eftirminnilegast var að góður vinur minn og sessunautur skellti sér í sjoppuna á 45. mínútu. Hann ætlaði að vera fremstur áður en örtröð myndaðist. Phil Neville skoraði sjálfsmark nokkrum sekúndum síðar. Það voru því miður fleiri sem hugsuðu eins og vinurinn sem var enn í röðinni í sjoppunni þegar seinni hálfleikur byrjaði og Luis Garcia skoraði eftir eina og hálfa mínútu. Nokkrum sekúndum eftir markið kom vinurinn svo í sætið, hafði misst af báðum mörkunum,“

„Tim Cahill minnkaði muninn eftir klukkutíma leik, því marki náði minn maður. Þegar nokkrar mínútur voru eftir af leiknum ákvað vinurinn að skjótast aðeins fyrr, losna við traffíkina og tryggja okkur borð eftir leik á einum pöbbnum við Anfield og viti menn, Harry Kewell skoraði með bylmingsskoti á lokamínútunum,“

„Þetta allt saman var enn sérstakara því við vorum einnig á vellinum þegar Neil Mellor skoraði sigurmarkið gegn Arsenal tveimur árum áður í uppbótartíma. Þá hélt ég reyndar að völlurinn myndi hrynja í þeim fagnaðarlátum! Vinurinn var nýfarinn þegar Mellor skoraði en náði þó hinum tveimur mörkunum í leiknum,“ segir Kristinn.

Sigurmark Kewells má sjá í spilaranum.

Kristinn Kjærnested mun lýsa leikjum í enska boltanum á Sýn Sport í vetur.

Hér má tryggja sér áskrift að enska boltanum hjá Sýn Sport.

Enska augnablikið Enski boltinn

Tengdar fréttir

Enska augnablikið: Sá allra svalasti

Fjórir dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Það er einn maður í sögu deildarinnar sem er einfaldlega svalari en aðrir. Sá heitir Eric Cantona og er í miklu uppáhaldi hjá Henry Birgi Gunnarssyni, líkt og fleirum.

Enska augnablikið: Hlaupið út úr húsinu

Fjórir dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Ásgerður Stefanía Baldursdóttir réði sér vart fyrir kæti þegar hinn 17 ára gamli Federico Macheda skoraði mark sem fór langt með að tryggja Manchester United enska meistaratitilinn árið 2009.

Enska augnablikið: Skellur þegar hann hrinti dómaranum

Fjórir dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Ríkharð Óskar Guðnason er einn mesti Paolo Di Canio maður landsins og sem ungur maður keypti hann sér treyju merkta Ítalanum þrátt fyrir að styðja allt annað lið.

Enska augnablikið: Hjátrú og alsæla

Fimm dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Enski boltinn hefur haft mikil áhrif á sálartetur Kjartans í gegnum tíðina og leikur Manchester United og Tottenham vorið 1999 gleymist seint.

Enska augnablikið: Lærði 200 ný blótsyrði

Fimm dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Kristjana Arnarsdóttir fór í eftirminnilega ferð á Anfield veturinn 2002.

Enska augnablikið: Mætti sköllóttur á Old Trafford

Sex dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Lárus Orri Sigurðsson gleymir seint fyrsta leiknum sem hann spilaði í deild þeirra bestu á Englandi.

Enska augnablikið: Grætti barnið en var slétt sama

Sex dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Stefán Árni Pálsson sturlaðist af gleði þegar Michael Owen skoraði frægt sigurmark Manchester United í grannaslag við Manchester City haustið 2009.

Enska augna­blikið: Geðsturlun Georgíu­mannsins

Sjö dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Bjarni Guðjónsson var leikmaður Newcastle og sat í stúkunni þegar liðsfélagi hans gekk berserksgang á St. James' Park.

Enska augnablikið: 13 ára Hjörvar tók andköf

Sjö dagar eru þar til boltinn fer að rúlla í ensku úrvalsdeildinni í fótbolta á Sýn Sport. Af því tilefni munu sérfræðingar rifja upp eftirminnileg augnablik úr deildinni. Hjörvar Hafliðason gleymir seint leik Manchester United og Sheffield Wednesday vorið 1993.

Mest lesið


Fleiri fréttir

Sjá meira


×

Mest lesið