Ljúffengar upp­skriftir undir tuttugu mínútum

Kjúklingur Teriyaki með hrísgrjónum og brokkolí

Hráefni - fyrir fjóra fullorðna

• 1 bolli hrísgrjón
• 2 bollar vatn
• 4 kjúklingabringur, skornar í bita
• 2 bollar brokkolí, smátt skorið
• 1 paprika, skorin í strimla
• 4 msk teriyakisósa (eða blanda af soyasósu og hunangi)
• 2 msk olía
• Sesamfræ (valfrjálst)
• Smá salt

Aðferð

• Sjóðið hrísgrjónin:

Skolið hrísgrjónin í köldu vatni. Setjið í pott með tveimur bollum af vatni og smá salti. Látið sjóða við vægan hita í tíu til tólf mínútur.

• Steikið kjúklinginn:

Hitið olíu á stórri pönnu.Steikið kjúklinginn þar til hann er gullinnbrúnn og fulleldaður í gegn.

• Bætið grænmetinu við:

Setjið brokkolí og papriku á pönnunaog steikið þrjár til fjórar mínútur, eða það til það farið að mýkjast örlítið.

Bætið teriyakisósunni út á pönnuna og blandið saman

Sítrónufiskur með brokkolí og osti á pönnu

Hráefni- fyrir fjóra fullorðna

• 4 stk laxaflök eða þorsklök, um 150–200 g hvert.
• 2 tsk olía eða brætt smjör
• 2 bollar smátt skorið brokkolí
• ½ bolli rifinn ostur (t.d. mildur cheddar eða mozzarella)
• 1 tsk sítrónusafi
• Salt og pipar
• Smá fersk steinselja eða graslaukur til skrauts

Aðferð

1. Hitið olíu eða smjör á stórrri pönnu við miðlungshita.
2. Kryddið fiskinn með salti og pipar og leggjið á pönnuna. Steikið í 3–4 mín á hvorri hlið, eða þar til fiskurinn er eldaður í gegn.
3. Bætið brokkolíi á pönnuna  síðustu 2–3 mínúturnar og látið það mýkjast örlítið.
4. Stráið rifnum osti yfir fiskinn og brokkolíið, setjið lok yfir pönnuna í 1–2 mínútur svo að osturinn bráðni.
5. Kreistið smá sítrónusafa yfir réttinn og berið fram strax með ferskri steinselju eða graslauk til skrauts.

Pasta með grænmeti og sítrónu-jógúrtsósu

Hráefni -fyrir fjóra fullorðna

• 250 g pasta 
• 1 stk avókadó, skorið í smáa bita
• 1 bolli kirsuberjatómatar, skornir í helminga, maís, agúrka og paprika.
• 2 tsk ólífuolía
• Salt og pipar

Sítrónu-jógúrtsósa 

• 3 msk grísk jógúrt eða sýrður rjómi
• 1 tsk sítrónusafi
• Salt og pipar
• 1 tsk hunang 
• Parmesan

Aðferð

1. Eldið pastað samkvæmt leiðbeiningum á pakkningu.
2. Blandið avókadó og grænmetinu, tómötum, maís, papriku eða öðru, saman við.
3. Bætið ólífuolíu útí g kryddið með salti og pipar eftir smekk.
4. Blandið saman grískri jógúrt, hunangi, sítrónusafa, smá salti og pipar í litla skál og hellið út á.
5. Rífið parmesanost yfir.

Einfalt takkó

Hráefni-  fyrir fjóra fullorðna

• 6–8 litlar mjúkar tortillakökur (eða harðar taco-skeljar)
• 1½ bolli eldaður kjúklingur í bútum, steikt nautahakk eða baunir
• 1½ bolli maís
• 1½ bolli paprika, smátt söxuð
• 1½ bolli rifinn ostur

Meðlæti:

• Sýrður rjómi
• Guacamole
• Mild salsa sósa
• Ferskur kóríander
• Kirsuberjatómatar, skornir í tvennt

Aðferð

1. Hitið tortillurnar örlítið á þurri pönnu eða í ofni þar til þær verða mjúkar og bragðgóðar.
2. Setjið kjötið eða baunirnar, maís og papriku ofan á hverja köku.
3. Stráið rifnum osti yfir.
4. Bætið sýrðum rjóma, guacamole, salsa, kóríander og kirsuberjatómötum ofan á – eða látið hvern og einn raða sínu meðlæti sjálfur.