Dag­skráin í dag: Enski boltinn og úr­slita­leikur um Evrópu­sæti í Bestu

Alls verða fimm leikir í beinni útsendingu í ensku úrvalsdeikldinni í dag, ásamt leikjum í þýska boltanum, NFL og NHL. 

Þá er mexíkóski kappaksturinn í Formúlu 1 á dagskrá í kvöld og Stúkan gerir upp tímabilið í Bestu-deild karla, eftir að Stjarnan og Breiðablik eru búin að útkljá hvort liðið fer í Evrópukeppni á næsta tímabili.

Sýn Sport

Bein útsending frá leik Arsenal og Crystal Palace í ensku úrvalsdeildinni klukkan hefst 13:40 áður en við færum okkur yfir til Liverpool þar sem Everton og Tottenham eigast við klukkan 16:10.

Sunnudagsmessan er svo á sínum stað klukkan 18:35 þar sem farið verður yfir alla leiki helgarinnar í ensku úrvalsdeildinni.

Sýn Sport 2

Aston Villa og Manchester City eigast við í ensku úrvalsdeildinni klukkan 13:40 og klukkan 16:55 hefst bein útsending frá viðureign Eagles og Giants í NFL-deildinni í amerískum fótbolta.

Klukkan 20:20 hefst svo bein útsending frá leik Broncos og Cowbays í NFL-deildinni.

Sýn Sport 3

Bournemouth tekur á móti Nottingham Forest í ensku úrvalsdeildinni klukkan 13:40 og klukkan 16:55 fylgjumst við með NFL Red Zone.

Sýn Sport 4

Nýliðar Burnley heimsækja botnlið Wolves í ensku úrvalsdeildinni klukkan 13:50.

Sýn Sport Ísland

Stjarnan og Breiðablik mætast í hreinum úrslitaleik um þriðja sæti Bestu-deildar karla í knattspyrnu í dag. Bein útsending hefst klukkan 13:45, en undir er sæti í Evrópukeppni.

Klukkan 16:05 er Stúkan svo á dagskrá þar sem lokaumferðin verður gerð upp.

Sýn Sport Viaplay

Bayer Leverkusen og Freiburg eigast við í þýska boltanum klukkan 14:20 áður en Stuttgart tekur á móti Mainz klukkan 16:30.

Klukkan 19:30 hefst svo bein útsending frá mexíkóska kappakstrnum í Formúlu 1 áður en viðureign Blackhawks og Kings í NHL-deildinni í íshokkí lokar dagskránni klukkan 23:05.