Stolinn köttur, nágrannaerjur og ung­menni til vand­ræða

Þá bárust tilkynningar um ungmenni sem hótuðu öðrum ungmennum með hníf og ungmenni sem voru sögð hafa ráðist á einstakling á strætóstoppistöð. Bæði mál eru í rannsókn.

Lögregla kom einnig að slagsmálum á bar, þar sem einn er grunaður um líkamsárás. Þá bárust tilkynningar um einstaklinga sem voru að reyna að komast inn í bifreiðar og taka í hurðarhúna í iðnaðarhverfi.

Lögregla kom einnig til aðstoðar þegar tilkynnt var um stolin kött, endurheimti köttinn og skilaði til eiganda. Þá var tilkynnt um rúðubrot í heimahúsi, þar sem grjóti var kastað í gegnum glugga, og pari í annarlegu ástandi vísað á brott úr verslun í miðbæ Reykjavíkur.

Nokkrir voru stöðvaðir í umferðinni grunaðir um akstur undir áhrifum.