Fjór­tán ára dóttir Häkkinens gengur til liðs við McLaren

Hin fjórtán ára gamla hefur unnið sigra og komist á verðlaunapall víðs vegar um Evrópu í go-kart-akstri og verður yngsti ökumaðurinn í framtíðarliðinu hjá McLaren.

Hún fær til liðs við sig bresku stúlkuna Ellu Stevens, sem er eina konan sem hefur sigrað í efsta go-kart-flokki Bretlands.

Stevens, sem er nítján ára, mun keppa fyrir hönd heimsmeistara bílasmiða í Formúlu 1, McLaren, ásamt bresku stúlkunni Ellu Lloyd, tvítugri, í F1 Academy-kvennamótaröðinni árið 2026.

McLaren sagði að Häkkinen myndi prófa eins sætis bíla til undirbúnings fyrir árið 2027.

Mika Häkkinen, sem vann Formúlu 1-titilinn með McLaren árin 1998 og 1999, telur að dóttir sín gæti orðið framtíðarstjarna í íþróttinni.

„Ella er einstaklega hæfileikaríkur ökumaður. Ég segi þetta ekki bara sem faðir, heldur byggt á athugunum mínum sem fyrrverandi toppökumaður,“ sagði Mika Häkkinen við finnska blaðið Ilta-Sanomat í síðasta mánuði.

Það er gaman fyrir marga að sjá Häkkinen nafnið aftur í formúlunni en einvígi Häkkinen og Michael Schumacher var ógleymanlegt fyrir þá sem upplifðu það á sínum tíma.