Viðskipti innlent

Funda með starfs­mönnum Vélfags um fram­haldið

Kjartan Kjartansson skrifar
Alfreð Tulinius er stjórnarformaður Vélfags. Hér sést hann ásamt starfsmönnum Vélfags á fundi með Viðreisn í haust.
Alfreð Tulinius er stjórnarformaður Vélfags. Hér sést hann ásamt starfsmönnum Vélfags á fundi með Viðreisn í haust. Vélfag

Starfsmenn Vélfags á Akureyri hafa verið boðaðir til starfsmannafundar klukkan tíu. Stjórnarformaður fyrirtækisins segir að þar verði farið yfir framhaldið. Starfsemi Vélfags hefur legið niðri vegna þvingunaraðgerða sem það sætir vegna tengsla við rússneskt fyrirtæki.

Héraðsdómur Reykjavíkur hafnaði í vikunni kröfum Vélfags og meirihlutaeiganda þess um endurskoðun þvingunaraðgerða sem það hefur sætt frá því í sumar. Starfsemi fyrirtækisins var stöðvuð eftir að utanríkisráðuneytið synjaði beiðni þess um áframhaldandi undanþágu frá aðgerðunum fyrr í þessum mánuði.

Alfreð Tulinius, stjórnarformaður Vélfags, staðfesti við Vísi að starfsmannafundur yrði haldinn nú í morgun og að þar ætti að ræða framhald starfseminnar. Hluthafafundur hefði verið haldinn til þess að fara yfir það.

Samkvæmt upplýsingum utanríkisráðuneytisins hefur engin beiðni borist frá Vélfagi um breytingar á starfseminni.

Alfreð segir Vélfag hafa reynt að vera í samráði við ráðuneytið undanfarna mánuði en það hafi ekki verið gagnkvæmt.

Arion banki frysti fjármuni Vélfags í júlí vegna tengsla meirihlutaeiganda fyrirtækisins við rússneskt útgerðarfélag sem er á þvingunarlista Evrópusambandsins vegna tilrauna rússneskra stjórnvalda til þess að grafa undan stöðugleika í Evrópu.

Fyrirtækið fékk tímabundna undanþágu frá þvingunaraðgerðunum en utanríkisráðuneytið hafnaði beiðni um að framlengja þær fyrr í þessum mánuði. Í kjölfarið var starfsemi Vélfags stöðvuð.

Viðskiptaþvinganir gegn Vélfagi Evrópusambandið Akureyri Ríkisstjórn Kristrúnar Frostadóttur

Tengdar fréttir

Vélfag áfrýjar dómnum

Vélfag ehf. mun áfrýja dómi Héraðsdóms Reykjavíkur sem féll í morgun þar sem íslenska ríkið var sýknað af kröfum félagsins. Félagið hefur sætt þvingunaraðgerðum vegna tengsla eiganda þess við rússneskt félag sem talið er hluti af skuggaflota Rússa frá því í sumar. 

Ríkið sýknað af kröfum Vélfagsmanna

Héraðsdómur Reykjavíkur sýknaði íslenska ríkið af kröfum Vélfags og meirihluta eiganda þess í morgun. Félagið hefur sætt þvingunaraðgerðum vegna tengsla eiganda þess við rússneskt félag sem er talið hluti af skuggaflota Rússa frá því í sumar.

Eigandi Vélfags talinn tengjast rússnesku leyniþjónustunni

Erlendur eigandi Vélfags er talinn hafa tengsl við rússnesku leyniþjónustuna FSB auk þess að tengjast fyrri eiganda fyrirtækisins sem er á þvingunarlista gegn Rússlandi. Þetta kemur fram í rökum utanríkisráðuneytisins fyrir því að synja Vélfagi um framlengingu á undanþágu frá þvingunaraðgerðunum.



Mest lesið


Fleiri fréttir

Sjá meira


×

Mest lesið