Ís­land og Noregur mætast á IceBox í kvöld

Hnefaleikakvöldið hefur verið vettvangur fyrir bestu boxara landsins til þess að sýna sig og hefur oftar en ekki verið boðið til veislu. Krikinn er alltaf kjaftfullur og stemningin mögnuð.

Að þessu sinni munu hnefaleikakappar frá Íslandi og Noregi mætast í flestum bardögunum en alls eru sjö bardagar á dagskránni.

Upphitunarbardagar hefjast klukkan 19.00 og verða þeir í beinni á Vísi og Sýn Sport.

Aðalhluti kvöldsins hefst aftur á móti klukkan 20.30 og verður hann í beinni útsendingu á Sýn Sport.

Hægt er að kaupa stakan viðburð í myndlyklum Sýnar og Símans og einnig á vefsíðu Livey.