Borðaði „bara“ 30 bollur á bollu­daginn

Arnór Björnsson, leikari, er mikill bolluunnandi og heldur bolludaginn hátíðalegan ár hvert.

„Í ár var ég beðinn að tóna þetta aðeins niður, ég er að leika í sýningu í Borgarleikhúsinu sem heitir ekki hugmynd, þau sem eru leika mér báðu mig um, heilsu minnar vegna svo við gætum leikið um helgina, að minnka aðeins bolluátið.“

Hann segist „aðeins“ hafa borðað 29 bollur í dag en mögulega gætu þær orðið fleiri. Arnór segir huginn koma manni langa leið og þannig hafi hann komist í gegnum bolludaginn síðustu ár. Hann hafi erft bolluástina frá móður sinni.

Arnór smakkaði svo bollu með karamellu, rjóma og sultu og var ánægður með. Hann segir ekki sjálfsagt að sultunni sé dreift jafnt. Hann gaf henni svo sjö í einkunn.