Rikki G kafnaði aftur í beinni út­sendingu

Rikki G er einn dáðasti dagskráargerðarmaður þjóðarinnar og hefur eflaust skotið einhverjum áhorfendum sínum skelk í bringu þegar honum svelgdist svona svakalega á vatnssopa í beinni útsendingu.

Hann hreinlega jafnaði sig ekki á þessu hrökki ofan í kok og var fljótlega orðinn kófsveittur og kafnandi.

Arnar Gunnlaugsson og Albert Ingason voru með honum í settinu og höfðu örlitlar áhyggjur af sínum manni, en Rikki gaf síðan í skyn að allt væri í góðu og þá gátu þeir félagar hlegið dátt.

Atvikið má sjá í spilaranum að ofan. Hér fyrir neðan má svo finna myndband frá því 2024, þegar Rikki lenti í svipuðum aðstæðum, kafnandi og kófsveittur.

Þess skal svo getið að Rikki G jafnaði sig að fullu af þessum áföllum og stýrir Meistaradeildarmörkunum á Sýn Sport í þessum skrifuðu orðum.