Magnaðar myndir frá endur­komu aldarinnar

Ísland var 21 stigi undir gegn Litháen þegar aðeins sex og hálf mínúta var til stefnu en náði með ótrúlegum hætti að vinna eins stigs sigur, 86-85, þar sem sigurkarfa Elvars Más Friðrikssonar kom á lokasekúndunni.

Áður hafði Elvar sett niður tvo þrista á lokamínútunni og drifið íslenska liðið áfram í endurkomu gegn einni mestu körfuboltaþjóð heims.

Sigurinn í gær þýðir að Ísland hefur þegar unnið bæði Ítalíu og Litháen, en vissulega einnig tapað fyrir Bretlandi, í fyrstu þremur leikjunum í undankeppni HM. 

Fari svo að liðið spili á heimsmeistaramótinu á næsta ári, og jafnvel þó svo að það takist ekki, er ljóst að endurkoma aldarinnar verður oft rifjuð upp og myndirnar hérna að neðan munu lifa lengi.

Næsti leikur Íslands er á mánudagskvöld þegar liðið mætir Litháen á útivelli.