Þor­steinn Leó með sigur­mark á loka­sekúndunum

Leikur liðanna var spennandi allt til loka og þegar aðeins nokkrar sekúndur eftir lifðu leiks stóðu leikar jafnir 33-33. 

Porto hlóð í lokasókn og kom boltanum og Þorstein Leó sem skoraði mikilvægt sigurmark þegar aðeins nokkrar sekúndur eftir lifðu leiks. Lokatölur 34-33 sigur Porto.

Sigurinn er gífurlega mikilvægur fyrir liðið í riðli tvö í Evrópudeildinni þar sem að Porto, Elverum og SAH eru öll jöfn að stigum, með sex stig, fyrir lokaumferð riðilsins þar sem allt getur gerst og Porto mætir SAH.

Porto er nú þegar öruggt með sæti í umspili fyrir átta liða úrslit Evrópudeildarinnar en takist liðinu að komast á topp síns riðils fer það beint áfram í átta liða úrslit.

Þorsteinn Leó kom að níu mörkum í sigri Porto í kvöld. Hann skoraði sex mörk og lagði upp þrjú. Virkilega flottur leikur hjá íslenska landsliðsmanninum sem er að finna sitt besta leikform eftir meiðsli. 

Annar íslenskur landsliðsmaður var öflugur í kvöld því Óðinn Þór Ríkharðsson skoraði níu mörk í fjögurra marka tapi Kadetten gegn Hannover Burgdorf. Kadetten er með fjögur stig í þriðja sæti síns riðils í Evrópudeildinni fyrir lokaumferð riðilsins þar sem andstæðingurin er lið Fredericia frá Danmörku.