Leikskóla­stjóri og fyrr­verandi at­vinnu­maður í fót­bolta fram fyrir Mið­flokkinn

Nú er ljóst að Nína Berglind Sigurgeirsdóttir, leikskólastjóri og hlaupaþjálfari, verður í öðru sæti listans og Beitir Ólafsson, byggingaverktaki og fyrrverandi atvinnumaður í fótbolta, í því þriðja. 

Þettta kemur fram í tilkynningu en næst fylgja Thelma Bergmann Árnadóttir atvinnurekandi í fjórða sæti og Trausti Örn Þórðarson lögfræðingur sem vermir fimmta sæti listans í Kópavogi. Miðflokkurinn hefur ekki átt sæti í bæjarstjórn Kópavogs á yfirstandandi kjörtímabili.  

Ákveðið var að stilla upp á lista Miðflokksins í sveitarfélaginu fyrir komandi kosningar. Oddvitinn Einar Jóhannes Guðnason er 32 ára og hefur starfað sem rekstrar- og sölustjóri til átta ára, hjá Eloomi, Maze og síðast 50skills, samkvæmt tilkynningu sem flokkurinn sendi út í síðustu viku. Hann er giftur og á eitt barn.

Einar er varaþingmaður flokksins og sagður hafa staðið að því að endurvekja ungliðahreyfingu flokksins. Auk þess sitji hann í stjórn Kópavogsdeildar Miðflokksins, stjórn flokksins í Suðvesturkjördæmi og í nefnd um innra starf flokksins.

Efstu fimm frambjóðendur Miðflokksins í Kópavogi

1. Einar Jóhannes Guðnason, rekstrar- og sölustjóri og varaþingmaður

2. Nína Berglind Sigurgeirsdóttir, leikskólastjóri og hlaupaþjálfari

3. Beitir Ólafsson, byggingaverktaki og fv. atvinnumaður í fótbolta

4. Thelma Bergmann Árnadóttir, atvinnurekandi

5. Trausti Örn Þórðarson, lögfræðingur