Menning

Fá rödd Guðna lánaða

Magnús Jochum Pálsson skrifar
Guðni Ágústsson í góðum selskap. Nýjustu fréttir af Guðna eru að hann sé orðinn rödd tónlistarstaðarins Sviðsins.
Guðni Ágústsson í góðum selskap. Nýjustu fréttir af Guðna eru að hann sé orðinn rödd tónlistarstaðarins Sviðsins. Eygló Gísladóttir

Tónleikastaðurinn Sviðið á Selfossi hefur fengið Guðna Ágústsson til að taka upp sérstakar tilkynningar sem heyrast í salnum fyrir og eftir viðburði. Guðni mun þar bjóða gesti velkomna, taka við þeim í hléi og þakka þeim loks fyrir komuna.

Davíð Lúther, einn af eigendum Sviðsins, staðfesti þetta í samtali við Vísi. Kvaðst hann afar ánægður með samstarfið enda rödd Guðna þekkt meðal landsmanna og henni fylgi vigt og virðing.

„Okkur fannst vanta ákveðna stemningu í upphaf og lok viðburða. Rödd Guðna var efst á óskalistanum hjá okkur og það tók ekki langan tíma að komast að samkomulagi við þennan öðling,“ segir Davíð Lúther.

Guðni Ágústsson er þjóðþekktur fyrir störf sín í stjórnmálum, var þingmaður frá 1987 til 2008 og landbúnaðarráðherra frá 1999 til 2007. Á Selfossi er hann einnig oft kallaður Miðbæjarstjórinn og sést gjarnan ganga um bæinn með hópa þar sem hann rekur fyrir þeim uppbyggingu Selfoss.

Þegar gestir eru sestir í sætin sín hljómar rödd Guðna þar sem hann býður alla velkomna og lætur vita að tónleikarnir séu að hefjast. Röddin heyrist einnig í hléi, minnir gesti á að koma sér fyrir og í lok kvölds þegar gestum er þakkað fyrir komuna.

Tónlist Tónleikar á Íslandi Framsóknarflokkurinn Árborg

Tengdar fréttir

Guðni Ágústsson telur í hjá Stuðmönnum á Selfossi í kvöld

Þrátt fyrir að nýi miðbærinn á Selfossi hafi verið opinn í rúmlega eitt ár er ekki komin starfsemi í öll þrettán húsin á svæðinu. Það er þó að gerast smátt og smátt en í kvöld opnar þar skemmtistaður, sem hefur fengið nafnið Sviðið. Guðni Ágústsson, fyrrverandi ráðherra spilar þar stórt hlutverk.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.