Ó­trú­leg sigur­ganga Klæbo endaði með á­rekstri og spítalaferð

Klæbo náði mögnuðum árangri á nýafstöðnum Vetrarólympíuleikum og varð sá fyrsti í sögunni til að ríkja sem bæði heims- og Ólympíumeistari í öllum greinum skíðagöngunnar.

Sjá einnig: Sakar konung síðustu Vetrarólympíu­leika um svindl

Klæbo hélt áfram að vinna gullverðlaun um síðustu helgi og fagnaði sigri á heimsbikarmóti, en örlögin enduðu þessa ótrúlegu sigurgöngu á heimsbikarmóti í Drammen í dag.

Klæbo féll úr leik í átta liða úrslitum þegar Bandaríkjamaðurinn Ben Ogden hrasaði fyrir framan hann. Klæbo kom á miklum hraða, klessti á hann og gat ekki haldið áfram. Alls féllu fjórir af sex keppendum úr leik í þessum árekstri. 

Myndskeið af atvikinu má sjá í Eurosport spilaranum að ofan. 

Færið var erfitt og brautin var ísilögð. Klæbo skellti hausnum harkalega en virtist hafa sloppið við heilahristing, þó hann hafi fundið vel fyrir högginu í hálsinum, að sögn þjálfara hans.

Sjúkrabíll var á staðnum til að sinna Klæbo en hann var síðan fluttur upp á spítala til frekari rannsókna. Ekki er óttast að meiðslin séu alvarleg en ljóst er að þátttöku hans á þessu heimsbikarmóti er lokið.