Svona gekk Sindra Sindrasyni í bílprófinu

Sindri Sindrason skellti sér sjálfur í Ökuskóla 3 og tók bílprófið. Sindri hefur sjálfur keyrt í þrjátíu ár og taldi sig hæfan í að rúlla upp prófinu.

Þuríður Berglind Ægisdóttir, formaður Ökukennarafélags Íslands, segir að það kosti rúmlega þrjú hundruð þúsund krónur að taka bílpróf með öllu.

Miðað er við tíu ökutíma til að fá æfingaakstur og síðan 15 tíma fyrir verklega prófið. Árið 2025 féllu um 57 prósent á skriflega hlutanum og rétt rúmlega sextíu prósent árið 2024.

Í Íslandi í dag í gærkvöldi tók Sindri sjálfur bílprófið og náði hann að svara 43 spurningum rétt af 50. Hann féll því eins og sjá má hér að neðan.