Sport

Dag­skráin: Úr­slita­leikur Arsenal og City

Sindri Sverrisson skrifar
Arsenal og Manchester City eru í baráttunni um titlana á Englandi og núna er komið að úrslitaleik liðanna í deildabikarnum.
Arsenal og Manchester City eru í baráttunni um titlana á Englandi og núna er komið að úrslitaleik liðanna í deildabikarnum. Getty/Justin Setterfield

Það er frábær dagskrá á sportrásum Sýnar í dag þar sem úrslitaleikur enska deildabikarsins, á milli Arsenal og Manchester City, stendur upp úr. Mikilvægir leikir í ensku úrvalsdeildinni og toppbaráttu Bónus-deildar kvenna eru einnig í beinni.

Sýn Sport

Dagskráin í enska boltanum hefst á slag mikilla erkifjenda þegar Newcastle og Sunderland mætast, klukkan 12. Aston Villa og West Ham þurfa svo bæði sárlega á stigum að halda, á sitt hvorum enda töflunnar, og mætast klukkan 14:15.

Sunnudagsmessan verður svo á sínum stað, klukkan 19, eftir úrslitaleikinn í deildabikarnum.

Sýn Sport 2

Það er afskaplega mikilvægur leikur á dagskrá í fallbaráttunni í ensku úrvalsdeildinni, þegar Tottenham og Nottingham Forest mætast klukkan 14:15. Forest er aðeins stigi á eftir Tottenham nú þegar skammt er eftir af tímabilinu.

Sýn Sport Viaplay

Það er Íslendingaslagur í þýsku 1. deildinni í fótbolta því RB Leipzig og Freiburg, lið landsliðskvennanna Emilíu Kiær Ásgeirsdóttur og Ingibjargar Sigurðardóttur, mætast klukkan 13.

Klukkan 16 hefst svo bein útsending vegna úrslitaleiks Arsenal og Manchester City í enska dieldabikarnum.

Sýn Sport Ísland

Tveir leikir eru í toppbaráttu Bónus-deildar kvenna í kvöld, klukkan 19:15. KR og Njarðvík mætast á Sýn Sport Ísland en leikur Hauka og Grindavíkur er á Sýn Sport Ísland 2. Þetta er næstsíðasta umferðin og hver sigur telur fyrir úrslitakeppnina. Málin verða svo gerð upp í Körfuboltakvöldi um klukkan 21:15.

Allar upplýsingar um beinar útsendingar Sýnar má finna hér.

Dagskráin í dag

Mest lesið


Fleiri fréttir

Sjá meira


×

Mest lesið