Barn flutt í sjúkraflugi eftir al­var­legt um­ferðar­slys

Söluskálinn er lokaður og verður það til loka þessa dags að því er segir í tilkynningu lögreglu.

Greint var frá því fyrr í dag að þyrla Landhelgisgæslunnar hefði verið kölluð út að beiðni Lögreglunnar á Norðurlandi vestra vegna umferðarslyss.

Fram kemur í tilkynningu Lögreglunnar á Norðurlandi vestra að hin slösuðu hafi verið flutt flugleiðis á Landspítalann. Þar segir að ekki sé unnt að veita frekari upplýsingar.

Tildrög slyssins eru til rannsóknar hjá rannsóknardeild lögreglunnar á Norðurlandi vestra.

Uppfært 19:29: Áður kom fram að barnið hefði verið flutt með þyrlu Landhelgisgæslunnar. Það er rangt. Þyrlan var kölluð út á hæsta forgangi en ákveðið var að flytja bæði hin slösuðu á sjúkrahús í sjúkraflugi.