Nýr sendi­herra Bret­lands í fullu námi í ís­lensku

Jane Stevens tekur við af Bryony Mathew sem sendiherra Breta á Íslandi í september samkvæmt tilkynningu breska utanríkisráðuneytisins. Hún hefur starfað í bresku utanríkisþjónustunni í hátt í þrjátíu ár.

Stevens hefur meðal annar sinnt málefnum Úkraínu og útgöngu Breta úr Evrópusambandinu hjá utanríkisráðuneytinu. Þá tók hún þátt í undirbúningi stjórnvalda fyrir Ólympíuleika sem voru haldnir í London árið 2012.

Í ferilsskrá Stevens kemur fram að hún hafi verið í fullu námi í íslensku máli frá því í fyrra.

Mathew, sem Stevens leysi af hólmi, hefur gegnt sendiherrastöðunni frá því árið 2021.