Artemis II er á heim­leið

Artemis II áætlunin náði lengst í 406 .771 kílómetra fjarlægð frá jörðu. Í nótt rofnaði sambandið við geimfarið á meðan það var á bakvið tunglið en samband komst aftur á um 40 mínútum síðar eins og reiknað hafði verið með.

Flugstjórinn Reid Wiseman segir að áhöfnin hafi séð hluti sem enginn annar hefur séð áður og flugmaðurinn Victor Glover sagði engin lýsingarorð til yfir það sem þau sáu. Þótt geimfararnir í Artemis séu ekki þeir fyrstu til að fara að fjarhlið tunglsins hafa engir aðrir menn farið eins langt frá jörðu og þau gerðu í þessari ferð, sem gerir það sem þau sáu með sínum beru augum einstakt.

Donald Trump Bandaríkjaforseti hringdi í geimfarana þegar samband komst aftur á og óskaði þeim til hamingju um leið og hann bauð þeim í Hvíta húsið. 

Í um klukkustund voru geimfararnir í því í algjörum sólmyrkva þar sem tunglið skyggði á. Búist er við því að geimfarið lendi einversstaðar í Kyrrahafinu aðfararnótt næsta laugardags.