Villa vann með tveimur en Forest fer heim með jafna stöðu

1-3 fyrir Aston Villa urðu lokatölur í Bologna. 

Ezri Konsa skoraði fyrra markið eftir hornspyrnu en þá hafði mark verið dæmt af Bologna. Ollie Watkins skoraði síðan seinna markið rétt hinum megin við hálfleikinn og allt stefndi í 2-0 sigur.

Jonathan Rowe minnkaði muninn fyrir Bologna á lokamínútu venjulegs leiktíma, en mikilvægi marksins varð mun minna þegar Ollie Watkins skoraði aftur, þriðja mark Aston Villa, í uppbótartíma.

1-1 varð lokaniðurstaðan hjá Porto og Nottingham Forest en gestirnir geta prísað sig sæla að hafa ekki tapað þessum leik.

William Gomes skoraði mark Porto á 11. mínútu en staðan varð jöfn strax aftur á 13. mínútu þegar Martim Fernandes setti boltann óvart í eigið net.

Porto hefði hæglega getað bætt fleiri mörkum við, í rétt mark en ekki sitt eigið, en tókst það ekki og staðan er því jöfn fyrir seinni leik liðanna í Nottingham í næstu viku.

Önnur úrslit úr Evrópudeildinni: 

Braga - Real Betis 1-1 

Freiburg - Celta 3-0