Innlent

Leita enn að ferða­manninum

Árni Sæberg skrifar
Leitað er í námunda við Háafoss.
Leitað er í námunda við Háafoss. Vísir/Vilhelm

Lögreglan á Suðurlandi og björgunarsveitir hafa hægt og rólega útvíkkað svæðið þar sem leitað er að erlendum ferðamanni, sem skilaði sér ekki á gististað í gær, að sögn upplýsingafulltrúa Landsbjargar. Leitað verður fram á kvöld, að þar til að maðurinn finnst.

Leitin er umfangsmikil og fjölgað hefur verið í hópi björgunarsveitarmanna en nú eru við störf gönguhópar, drónahópar, hundar og straumvatnsleitarfólk. Auk þess er farið um svæðið á fjór- og sexhjólum eins og hægt er. 

Leitað er á svæðinu í námunda við Háafoss í Þjórsárdal, en bíll mannsins fannst nærri Hólaskógi, þaðan sem vegur liggur upp að fossinum og útsýnisstað á móts við hann. 

Lögreglan á Suðurlandi hélt stöðufund á fjórða tímanum en að sögn aðalvarðstjóra eru engin frekari tíðindi af leitinni sem stendur, að öðru leyti en að hún hafi ekki enn borið árangur.

Lögreglumál Björgunarsveitir Landhelgisgæslan Ferðaþjónusta Skeiða- og Gnúpverjahreppur

Mest lesið


Fleiri fréttir

Sjá meira


×

Mest lesið