„Aldrei verið sópað áður og ég ætlaði ekki að byrja á því í kvöld“

„Mér hefur aldrei verið sópað áður og ég ætlaði ekki að byrja á því í kvöld“ sagði Brittany Dinkins eftir sigurinn í kvöld.

„Persónulega þá elska ég leik þrjú hvort sem ég sé að loka seríunni eða að halda mér á lífi“

Það var frábær orka í liði Njarðvíkur í kvöld og var Brittany Dinkins á því að það væri helsti munurinn á liðunum í kvöld.

„Orkan okkar. Hvernig við komum til leiks og hvernig við undirbjuggum okkur. Við höfum verið smá slakar en góður undirbúningu, mikil orka og við höfum verið í þessari stöðu áður“

„Þetta er ekki í fyrsta skipti sem að við höfum verið undir 0-2 svo við vitum hvað þarf og útaf því þá höfum við reynslu og við erum með hugarfarið og viljan sem við sýndum í dag“

Njarðvík byrjaði leikinn virkilega vel og voru aldrei undir í kvöld. Þær fundu snemma að þær væru að hitta á daginn sinn.

„Við fundum það á æfingu í gær ef ég á að vera hreinskilinn“

Fyrsti sigur Njarðvíkur í seríunni staðreynd og þær eru komnar með blóð á tennurnar.

„Liðið ræddi saman og við stærum okkur af því að vera veiðimaðurinn en ekki bráðin og í kvöld þá fórum við á veiðar“

Njarðvík mætir til Grindavíkur á föstudaginn kemur í leik fjögur en við hverju má búast við í þeim leik?

„Ég á von á því að þær mæti með krafti því þær eru bara einum leik frá þessu svo ég á von á meiri grimmd og við þurfum að vera beittar og við þurfum að mæta með sömu orku eða bæta bara í“

„Við þurfum að vera trú okkar gildum og hvað við gerðum í dag til að vinna“

Brittany Dinkins vonast til þess að sjá sem flesta í grænu í stúkunni á föstudaginn.

„Það er mjög mikilvægt og þið verðið að mæta í grænu og hvítu til að styðja okkur. Þetta verður skemmtilegt“ sagði Brittany Dinkins að lokum.