Enn eitt á­fallið fyrir Stjörnuna fyrir odda­leik gegn Tinda­stól

Frá þessu greinir Stjarnan í færslu á samfélagsmiðlum en Seth LeDay meiddist í fjórða leik undanúrslitaeinvígisins á dögunum. Hann hélt leik áfram þá en nú hefur alvarleiki meiðslanna komið í ljós.

Enn eitt áfallið fyrir lið Stjörnunnar sem hefur staðið sig vel í fjarveru tveggja íslenskra landsliðsmanna, Ægis Þórs Steinarssonar og Orra Gunnarssonar sem meiddust báðir fyrr á tímabilinu og verða ekki meira með á yfirstandandi tímabili. 

„Þetta er ekki fyrsta áfallið á leið okkar í að verja Íslandsmeistaratitilinn, en liðið hefur sýnt að þegar mest blæs á móti þá styrkjast menn og þjappa sér saman,“ segir í færslu Stjörnunnar.

Seth Leday er framherji sem kom til Stjörnunnar fyrir tímabilið og í 29 leikjum til þessa hefur hann verið með 18,1 stig að meðaltali í leik og 10,9 fráköst og sinnt gífurlega mikilvægu hlutverki í bæði sóknar- og varnarleik liðsins. 

Oddaleikur Tindastóls og Stjörnunnar í undanúrslitum Bónus deildarinnar í körfubolta verður sýndur í beinni útsendingu á Sýn Sport Ísland á morgun og hefst klukkan korter yfir sex.