Sjáðu Foden stela senunni í sigri City

Sigurinn þýðir að City er tveimur stigum frá toppliði Arsenal þegar tvær umferðir eru eftir.

City er að berjast á tveimur vígstöðum því liðið mætir Chelsea í úrslitaleik FA bikarsins um helgina. Þjálfarinn Pep Guardiola ákvað því að hvíla nokkra lykilmenn gegn Crystal Palace í gær en það kom ekki að sök.

Phil Foden fékk sjaldgæft tækifæri í byrjunarliðinu og nýtti það vel. Englendingurinn lagði upp fyrstu tvö mörk leiksins fyrir Antoine Semenyo og Omar Marmoush.

Savinho skoraði svo þriðja mark City eftir stoðsendingu varamannsins Rayan Cherki.